Hadien ini wa dep da yoh kem ki pulit ka East Khasi Hills ya 15 ngut ki kynthai wa lai dakait ha ki thaaiñ Khyndailad ka Shillong, da mih ka seiñ wa tip kam ka Khasi Prostitutes’ Union (KPU) yow pyrchah yei kem wei kset patok ya kini ki kynthai kiwa leh yei kaam ki ha Khyndailad, Police Bazar.
Ka KPU da ong ko wa deiwa kset ya kini ki kynthai ym em yarap ko ya ki iyi iyi neibhah da dooh ki yei hok yong ki wow khih yow im-ja.
Da ong ki leh wa kini ki kynthai toh kiwa dooh wa duk wei ka sorkar toh u ap ko yei dawa yow yarap ya ki, kamtæ da tyrwa cha ka sorkar Meghalaya wow mynjur ko wow booh noh da ka Red Light Zone/Area iwa man i thaw wow chah ya kini ki kynthai wow leh yei kaam yong ki.
Da dawa leh na ka sorkar wow chah ko u leh kini ki kynthai yei kaam yong ki ha iwi i thaw i wym em man kam i chnong bru neibhah katni da leh ya ini i kaam ha 5 tylli ki luti syngkieñ ka District.
Ka KPU da kyntu ko leh ya ka chnat Social Welfare wa ki DC wow pynman ya ka sorjamin ha jar jiar ki District yow tip yei chem chitom kini ki kynthai kiwa man kam ki Sex Worker chwa wow chim ya ka rai wow pynchitom ki la kam ki ymtoh de ki bru.
Puræ leh: Chah kem 15 ngut ki kynthai wa lai dakait ha Khyndailad
Discussion about this post