Jowai: Ka Khasi Students’ Union Barato Unit wa Mukroh Unit hapoh i yahkhmat u President u Hamar Maskut wa u Secretary u Nihun Sten ynne ka sngi da lai yachem ki wa u Junior Engineer Revenue Sub Division MPDCL ha Jowai wow dawa u pynbait yei slem u pynpoi ya ka bai bordiñ cha ki paidbah ka thaaiñ Thadialong wa Barato.
Ka seiñ da ong ko wa heithaw wow pynpoi bordiñ man u bnai da pynpoi chisien le bnai. Wei ini i leh kani ka chnat da booh ko yeiwa eh kawa khroo ya kiwa dooh wa duk hei thaw wow su ki chi bnai hap ki wow su le bnai syndon.
Kamtæ neiliang ka seiñ da dawa joor ko na kani ka yung krehkaam wow pynman daka takit yow chemdien ya iwa ym ye u pynpoi tista yaka boordiñ.
Neiliang u sahep da kular u ha khmat ka seiñ wow leh ya iwa emkaam.
Ini toh katka ka kyrwoh na u Secretary ka Barato Unit u Nihun Sten.
Discussion about this post