Jowai: Ka Khasi Students Union-Jaiñtia Hills District Unit deilang wa ki seiñ yong kiwa kamai kari waphær waphær hapoh Jaintia Hills, ynne ka sngi da lai yachem ki ya ki ar ngut ki Deputy Commissioner yong ki ar District ka East wa West Jaiñtia Hills District neibynta wow dawa naki wow tuklar heiyatoh wa i rukom krehkaam ki Toll Gate kiwa em ha Lumshnong, East Jaintia Hills wa ha 7 Mer West Jaiñtia Hills.
Haka chithi wa da phah cha ki ar DC, da dawa naki bor pynlai District wow phah sangeh khrong poisa noh yaki Toll Gate naki kari yong ki paidbah hajrong ka yurim wa ka NHAI wa ym pu ye ko wow pynbiang yaka sarok kawa bha, neitæ wot yaka sarok Four Lane leh ym pu em, nadooh ki dooid namo ki Side Drain kiwa biang.
Ka seiñ da ka kyntu ko leh ya ki bor pynlai District wow pynyoh ya kitai ki dawa ka seiñ hapoh chi tayaw wei lym kamtæ neiliang ka seiñ ym yohsa ko wow leh da kiwi ki luti.
Discussion about this post