Jowai: Ka Khasi Students Union Jowai Circle hapoh i yahkhmat u President u Morningstar Pasi, u Secretary u Phrakihowni Thubru ha i emlang u President yong ka District Body u Ohibait Dkhar wa ki dkhot ka Jowai Circle, ynne ka sngi da lai yachem ki ya u Medical Health Officer In-charge ka Nongbah PHC u Dr. Luckystar Sungoh wow ya phyllu yumut heiyatoh wa i eh, i duna kiwa kam ka PHC da yachem ko ha kiwa boon ki bynta.
Ka seiñ hadien wa da yoh laad ko wow yaklam sani bha wa u Doctor, da sñiawthooh wa neiliang yong u Doctor na ki por cha ki por da yaleh chitom bha u katwa ye wow wanrah ki kylla ha waroh ki liang neibynta katai ka PHC, tangwa iwa sñiawphylla toh wa ka sorkar hadooh katni ym ap ko yeiwa dawa wa chongnia yong utai u Doctor.
Ka seiñ da chem ko leh wa da ki boon snem wa ka PHC ka em ko ya u Dentist tangwa ya ki tiar wa emkaam kam ka Dental Chair wa kiwi ki emkaam ym em ki kawa man i dooh wa khroo ya u paidbah. U Doctor da pyntip chooh chooh u wa i rukom phah ya ki dawai leh duna bha hawa pait yei boon i wan chim dawai yong ki wa kjut wa chitom na ki chnong kiwa najan kiwa haap ha kani ka PHC. Kamwa man katni ka Doctor Ayurvedic em hi ko tangwa ka Pharmacist, Ayush won ym pu em hadooh katni wei tang ka um leh wow pynemkaam man ko kawa ym biang.
Ka seiñ da pynsñiaw ko leh ya i sñiawngooh ya ka chakri hok wa i kit khia yong utai u Doctor wa pait ya katai ka PHC neidaw wa nadooh wa wan chimkti u ya katai ka kaam kam u Doctor In-charge yong katai ka PHC, hadooh katni ka PHC da sdang ko wow ku na ka wi ka sngi cha kawi ha ki bynta waphær waphær.
Discussion about this post