Dawa ka KSU-MC wow pynku kyrdan noh ya ka Mawryngkneng cha ka Civil Sub Division

Jowai: Ka Khasi Students Union (KSU) Mawryngkneng Circle da e dorkhat ko cha u Montri Rangbah ka jylla, u Conrad Sangma wow pynku kyrdan ya ka Mawryngkneng Community and Rural Development Block cha ka Civil Sub-division.

Ka seiñ da ong ko wa nadooh wa sdang ya ka C&RD Block da yarap ko chiboon ya ki paidbah tangwa kat dang lai ki por i boon ki bru dang ku i wei ka Block ymye de ko wow e ya i chakri wa biang ya ki paidbah.

Katkam wa man kattæ hapoh ka Block em le tylli ki Constituency wa kynthup ya ka Mawryngkneng, Mawkynrew wa Nongkrem wei waroh da em 64 tylli ki chnong i boon ki bru won da kynjoh i 67,291 kamtæ da emkaam wow pynku kyrdan noh ya ka Block cha ka Civil Sub-Division wa pura.

Heiyatoh wa ka kaam i chait i khiah, ka seiñ da ong ko wa ka Public Health Centre wa em katni toh u pynku kyrdan noh cha ka Community Health Centre yow e ya ka chakri wa bha cha ki 12 tylli ki chnong wa em kamwa 32,541 ngut ki bru ha ka thaaiñ Mawryngkneng.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh ka seiñ da ong ko leh wa ki Health Sub-Centre kiwa em ha Sohryngkham, Umphyrnai, Mawlyngad wa ha kiwi toh ki wym em krehkaam hadooh katni kiwa da pyndooh nong ya ki paidbah.

Ka seiñ leh da dawa ko na u montri rangbah wow wai ya ka Degree College neidaw wa katni ki khynroo khyllood haap lai bait ki cha Shillong yow lai puræ iwa chitom ya kiwa wan na ki manyung wa dooh wa duk. Katni dang em du kawi ka Community College ha Mawryngkneng kawa da sdang da ka Dorbar Chnong ka Mawryngneng.

Da dawa leh wow booh ya ka Fire Service Station ha Mawryngkneng Police Station neibhah kawa jan dooh ka Fire Station em ko ha Shillong kawa man kawa jngai bha.

Ka KSU Mawryngkneng Circle da ong ko leh wa emkaam wow tuklar u montri rangbah yei sahkut i pynkrehkaam ya ka Arpdah Farm Sniang Water Supply Scheme neibhah kani ka thaiñ man ko kawa duna um bha ha ki por tlang.

Khadoooh ka seiñ da ong ko wa ya ka Pig and Poultry Farm kawa em ha Mawryngkneng katni toh u pynku kyrdan ya ka cha ka Training Centre yow yoh mynoti ki khynroo khyllood wow seiñkhih da i yong ki hi.