Ka Khasi Students’ Union (KSU) da dawa ko na ka Meghalaya Public Service Commission (MPSC) wow sai paidbah ya ki Marks wa da yoh da waroh kiwa yaleh ya ka Exam Meghalaya Civil Service (Prelims) hadien wa mih i chah pynbaad wa em i leh dei wym toh.
Neiliang kiwa yahkhmat ka KSU da rai ki wow phah leh dei thoh cha u Montri Rangbah ka jylla, u Conrad K Sangma hajrong i rukom krehkaam yong ka MPSC neibhah ini da jia i neipor cheipor.
U Chairman ka KSU Employment Cell, u Reuben Najiar da ong u wa ka seiñ da dawa ko ya u Chairman ka MSPC wow sai paidbah ya ki Marks yong waroh kiwa yakhun ya ka Exam, neibhah ka seiñ ym chim ko wa ini toh iwa bakla tangwa da suba wa da leh khnang.
Da ong u leh wa ka seiñ da paan pynche ko na u Chairman yei em ki yukylli kiwa bakla, hadooh wa hap wow jied sa 62 ngut kiwi wow yoh u yaleh ya ka Exam MCS (Mains) deiwa e daw em i thut ha ka OMR Sheet hadien wa da dep wow pynbna yei pyrtuid kiwa da dep chah jied wei ini ye u man da yoh wow psiah sa ki wym toh hok u yoh.
U Reuben da ong u wa kamwa man, ini i leh ka MPSC da che wa ye u man kini ki kaam da leh dei thmu wow pynpsiah lang ya ki bru kiwa emyatoh wa ki bru wa embor.
Discussion about this post