Ka KSU South West Khasi Hills da e dorkhat ko ha u Chief Engineer, MePDCL, Shillong wow dawa su wei wow pynbiang ya ka bai sumaar ya kawi ka khynnah kawa dang 3 snem i rta kawa da dooh ya waroh ar tylli ki kti hadien wa chah riñ hei bordiñ ha u Transformer wa em ha chnong Mawkohphet, South West Khasi Hills District uwa em hajan ka skur.
Uni u Transformer toh u wym em kær, kamtæ ka seiñ da ong ko wa ini pynyoo wym em i kitkhlieh hanla uni u Transformer em u pyn hajan skur wei ini da wanrah yei jia wa sñiawsih haka 21-04-22, kamtæ da dawa wow pynbiang bai baam leh ya kani ka khynnah waroh chi rta ko neibhah kani ka khynnah deiwa dooh ya waroh artylli ki kti na iwa jia da man noh ko kawa duna i doh i pran.
Da dawa leh naka MePDCL wow phah lai pait ya waroh ki Transformer, ki sainar bordiñ kiwa em hapoh ka District wa hapoh ka Mawsynram Block wei wow pynchna ya kiwa sih wei wow pyntikna wow kær ya waroh ki Transformer.
Ka seiñ da maham ko leh wow chim da kiwi ki luti lada ym ye wow leh yeini.
