Jowai: Ka Khasi Students’ Union (KSU) NEHU Unit waka KSU Delhi Unit da phah kyrwoh lang ki yow beiñ joor ya i jia wa yoo chyrkhei wa da leh da ki damok yow pynmynsoo ya kiwa lai puræ wa lui lui ka Jawaharlal Nehru University (JNU) Delhi. Da ong wa ini i jia ha kani ka thaw puræ wa pawnaam ka ri pynyoo ko hadooh katwon wym krehkaam de ka aiñ katni. Katkam wa sñiawthooh ki ar unit i dawa kiwa lai puræ ka JNU man ko kawa em yurim neibynta yong ki kam kiwa lai puræ wa yaka ri waroh kawi.
Chooh chooh ka KSU Delhi Unit da yoh ko yaka chithi paan yarap na ki Khasi kiwa lai puræ ha kani ka thaw. Kamtæ hajrong ini, ka KSU da kyntu ko yaka sorkar Meghalaya wow pyntikna wa kini ki khynnah u yoh ki yei yada wa i man chngaiñ hapoh ko JNU. Da ong leh wa ini waroh da ktah ko yei pyrkhat pyrdaiñ heiwa boon naki da tieñ ki wow liwan cha ki Hostel yong ki wei da lai rieh ki cha kiwi ki thaw.
Khaddooh, ka KSU Delhi Unit waka KSU NEHU Unit da pynsñiaw ki yei yieñlang wa kiwa lai puræ JNU ha kini ki por wa chem chitom ki wei kamjooh wow pyndam yei pynku ya i bai lai puræ hapoh kani ka skurbah.
Discussion about this post