Ka chnat krehkaam yong ka KSU kawa em haka chnong Namdong West Jaiñtia Hills, ka KSU Namdong Unit, ynne ka sngi da lai sylli ko yaka Veterinary Dispensary kawa em haka chnong Namdong wei da chem chiboon i duna ha waroh ki liang.
“Ki Quater wa sah ki wakreh man ki kiwa da jæd da pai lut, ka paikhana neibynta ki wakreh wa ki Doctor leh ym em, wei i bordiñ wa pynemkaam hei miet leh ym em, wei kammon u ye wow e yei chakri yaki paidbah ka thaaiñ lada kamni,” da ong kiwa yahkhmat ka KSU Namdong Unit.
Neiliang ka seiñ da dawa ko leh naka sorkar wow pynbiang sa uwi u VFA, uwi i Muster Roll, wei wow pynchna wow pynbiang ya iwa emkaam kamjooh leh yaka um.
Ka KSU da dawa ko leh naka sorkar wow booh yaka Training Centre neibynta kiwa ri mrad khnang wa ki paidbah u yoh ki yei sikai.
