Jowai: Ka Khasi Students’ Union (KSU) Narpuh Circle ha ka 7 tarik uni u bnai hei yahkhmat u President yong ka u KS Suchiang wa u General Secretary u Deibormi Dkhar wa ki kattu katni ki dkhot da lai yachem ki wa u H. Mannar Asst. Executive Engineer Khliehriat Revenue SD II MePDCL.
Ha ini i yachem ka seiñ da kyntu ko ya u Manner wow dam u chna bai bordiñ neibynta u bnai Duiyatra (Jan) 2019 neidaw wa ka thaaiñ Narpuh ym em yoh bordiñ ko nadooh ka 18-01-2019. Hawa yaklam wa u Engineer da pyntip u wa katkam ka rukom, lada uwon uwon u Transformer wa sih hapoh ka 15 tarik yong uwon uwon u bnai, ym chna bai bordiñ yong u tæ u bnai tangwa lada sih u ha ka 15 tarik chaneiñ i chna bai bordiñ u lai bait i.
U Manner da pyntip u leh wa neiliang u Resident Engineer 132 KV Grid S/s MePTCL, Lumshnong da khana u wa da sih u Transformer nadooh ka 18-01-2019. Kamtæ ka bai bordiñ neibynta u Duiyatra u lai bait ko katwa ya u bnai wa katni ym chna bai bordiñ.
Ha iwi tawon i liang, ka seiñ da pynsñiaw ko yei artatien wa u Transformer wa wanrah na Garo yow kylliang heithaw uwa sih toh uwa khian uwa em du 5MV katwa uwa sih toh u 10MV, katkam wa pyntip u Kynsai Lyngwa TnT Shillong Incharge 132KV.
Ka seiñ daw lai yachem ko wa ki bor wa haneiñ wow dawa syndon da uwi uwa thymme neibhah u Transformer wa wanrah yow pynemkaam katni toh uwa da rim. Ka seiñ pynsñiaw ko yei sñiawngooh ya ka MePDCL wa ka da chimkhia ko ya i kaam neibynta i myntoi u paidbah.
Ini toh katkam wa pyntip u SL Suchiang, Publicity Secretary KSU Narpuh Circle.
Discussion about this post