Ynnin ka 24 tarik, ka KSU Thangrain Unit hei yahkhmat u Vice-President u Kamwamut Nongjngi, u General Secretary u Iaraplang Dhar hei emlang leh u Education Secretary u Riphaidien Dhar da lai yachem ki wa u Block Development Officer ka Laskeiñ wow dawa phah bait yaka bai mylla sngi hapoh ka MGNREGA cha ki Bank Account kiwa yoh myntoi lada toh iwa ye khnang yow lait u mih i kynrum kynram hapoh chnong poh thaw.
Neiliang u BDO leh da pynche u ya ka seiñ wa oo leh kwah u wow leh ya ini tangwa neidaw wa em ka khlam COVID-19 da ong u wa hap u yaichah sa kattu katni por kam wow yada naka khlam.
Neiliang u Daeimi Liam kam uwa e buit yong ka seiñ da ong u iwa emkaam dooh toh u ya krehlang ka VEC wa pynkreh yaki kaam mylla 100 sngi deilang waka EC ka chnong khnang wow yoh u lai bait lai ryntih ka chnong ki kaam ki jaam wei heijooh i por leh da e khublei u ya u BDO uwa da pynche heiyatoh wa ini i phang wa da dawa ka seiñ.
Kani man ko katkam ka khubor na u Lamdaki Myrchiang, Publicity Secretary ka seiñ.
