Dawa ka KSU Vairegnte na ka sorkar Mizoram wow e pata thaw ya ki paaid u Ynñiawtrep wa sah ha Mizoram

Kiwa yahkhmat ka KSU Vairengte Circle, Mizoram ha ka 14 tarik uni u bnai wa kynthup ya u Andrew Dkhar, President wa u Paul Teiborkmiki Pajat, Secretary da lai yachem ki wa u Lalruatkima, Montri ka chnat Land Revenue & Settlement, ka sorkar Mizoram wa ya u Lalrinsanga Ralte, MLA, Serlui Constituency, Mizoram ha Aizawl wow dawa na ka sorkar wow tipmit noh ya ki paaid u Ynñiawtrep wa chong wa sah ha Vairengte Tlangnuam Veng, Kolasib District, Mizoram kam kiwa chong chnong ba pura ka jylla deiwa e ya ki ya ki kot pata thaw namo ka Land Settlement Certificate (LSC).

Ha ka sorkar da ong wa kiwa boon ki jaitbru Ynñiawtrep toh kiwa da chong da sah ha ini i thaw nadooh u snem 1936 dei suk dei saaiñ deilang wa kiwi ki bru ha kini ki chnong, kamtæ da man ki kiwa em hok wow yoh ya ki pata kam ki tre thaw.

Neiliang kini ki ar ngut ki heh sorkar da e ki yei kular wow chimkhia ya ini i dawa ka KSU Vairengte Circle.

Kam wow pynkynmoo wa ini i dawa da mih i nadooh u snem 2009 heiwa da em i chah kam thaw wei chah pam ki dieñ kwai ki ha ka sorkar Mizoram ha chnong Khasi Veng, Vairengte wei ini dapoi ko cha i chkoor ka KSU seiñbei wei da em leh ka yakhih ha Shillong.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Neiliang ka Young Mizo Association (YMA) Shillong da yachem ki wa kiwa yahkhmat ka seiñ ha yung krehkaam yong ka ha Jaiaw wei ka YMA da kular ko wow yaklam ya ka sorkar Mizoram wow sangeh noh ya ini i thombor. Hadien ini i yalang dapoi lang leh ki dkhot ka KSU Vairengte Circle na Mizoram. Chooh chooh neiliang ka Mizo Zirlai Pawl (MZP) da wan ki cha Shillong na Aizawl yow pynbait ya ini i eh waka KSU. Heini da mih i dawa na ka KSU wow dawa noh ya ka Land Settlement Certificate ya waroh ki paaid u Ynñiawtrep wa sah ha Mizoram neibhah da em ki ha kani ka thaw nadooh u snem 1936 hachwa wow kha ya ka jylla Mizoram.

Hadien 10 snem wa da sahteiñ ini i kaam, ka KSU seiñbei ha u 2019 da lai biang ko sa chisien cha Mizoram wei ha Aizawl da yachem wa kiwa yahkhmat ka MZP hajrong ini i dawa ya ka Land Settlement Certificate.

I yaklam dang pteiñ i hadooh katni wei ka KSU daw booddien ko ya ini i dawa ki jaitbru yong i wa em ha Mizoram.