Ka KSU Wapung Unit hadien wa da dep lai ujor ha ka Jaiñtia Hills Autonomous District Council (JHADC), ha kani ka 23 tarik won hei yahkhmat u President, u Deiniwan Lyngdoh, u General Secretary, u Shwari Ryngkhlem deilang wa kiwi ki dkhot da lai ki wow ujor sa cha u Chairman ka Meghalaya State Pollution Control Board (MSPCB) yow dawa khang khyrdep noh yaka Abhi Coke Pvt Ltd kawa em ha Mookhep, East Jaiñtia Hills.
Ka seiñ da chem ko lyngba ka RTI wa kani ka karkhana pynmih ko 36,000 MT ki mar chi snem iwa man palat ya ka 25,000 MT wa da booh katkam ka EIA Notification u 2006 yong ka Forest Environment & Climate Change iwa mut wa emkaam wow leh ya ka Environment Impact Assesment tangwa kani ka Abhi Coke ym em leh ko yeini.
Chooh chooh da ong wa kani ka karkhana ym em e myntoi ko iyi iyi ya ki paidbah wei i em ko da ktah ko ya ka la-ær wa riñ mynsien ki bru, ka um, i khyndaw hadooh wa da ktah yei rep i riang kamjooh da ktah leh yei chait i khiah ki bru.
Ka seiñ da klam che ko wa ym chong klikti wei u lai chaphrang kat wym pu khang khyrdep ya kani ka karkhana wei da dawa leh na ka MSPCB wow daiñ kuna kamjooh yow pynmih hukum yow khang syndon ya kani ka karkhana.
Discussion about this post