Ka KSU Wapung Unit haka 22 tarik uni u bnai da lai yachem ko wa u E.E. PWD (Roads) NEC Division Khliehriat, East Jaiñtia Hills hapoh i yahkhmat u Deiniwan Lyngdoh uwa man u President yong ka KSU Wapung Unit deilang wa ki dkhot.
Ha ini i yachem neiliang ka seiñ da khana ko yei eh wa ki paidbah maad ki neidaw wa sih ware u sarok Lad Rymbai Bypass uwa tip kam u sarok Moowakhu wa lai lyngba Jalyiah cha Wapung.
Ka seiñ da e kti ko leh da ka dorkhat ha u EE yow dawa pynchna smat ya uni u sarok wa waroh chi kattu ki paidbah da maad ki yei eh wow lai ki kari na uni u sarok wa da sih palat u.
