Jowai: Ka Khasi Students’ Union War Jaiñtia Circle ka pynrem joor ko yei yohlaad ki chipai Border Guard of Bangladesh (BGB) wow wan psiah chapoh India khlem da yoh bor na ka sorkar India wow khanglaad ya kiwa chong chnong wow chna ya ka sarok Muktapur kawa da jia ha ka 20 tarik uni u bnai.
Ka seiñ da ong ko wa kani toh ka kaam kawa kongsan wa ka sorkar jylla toh u tuklar ko neibhah neiliang ki Border Security Force (BSF) ki ym krehkaam ki wei ym ye ki wei ym em e ki i yada ya kani ka chnong wa em ha khappood Meghalaya wa Bangladesh.
Chooh chooh da ong wa i jinjar wa i chitom ki paidbah dang joor i cha kini ki chnong khappood neidaw wa ym chimkhia ki bor wa toh u pait, kiwa ieh hi-eh, wei du katwon ki chnong ki thaw yong i ha ki thaaiñ khappood daw wan lehbor da kiwi ki jaitbru.
Ka seiñ da kyntu ko ya ki bor District wow phah bru wow lai tuklar smat khnang wa ki chnong khappood u yoh biangki yaka suk ka saiñ wei wow chna pyndep ya katai ka surok. Ka seiñ leh daw lai pait ko ya katai ka thaw wei lada ym em i krehkaam neiliang ka bor District, ym banse wow tuklar hi noh da ka seiñ neibynta i bha i miat ki paidbah ka thaaiñ War.
Ya kani ka kyrwoh da phah da u General Secretary u Lurman B. Talang.
Also Read: Wan psiah ki chipai BGB cha Muktapur yow phah pynsangeh chna sarok hapoh ka chnong
Discussion about this post