Dawa ka KSU-WJC wow kem noh ya u Waheh Chnong ka Amlanai, u Thomlin Surong

Jowai: Ka Khasi Students Union-War Jaiñtia Circle kawa haap hapoh ka Amlarem Sub Division, da e ko i kyrchaan wa pura ya ka KSU District Unit hajrong wa smat ko u hiar cha ka chnong Amlanai wow yarap ya ki paradoh para snaam kiwa da chah pyndik ha ki boon rukom ha u waheh chnong yong ka chnong Amlanai, u Thomlin Surong.

Neiliang ka Circle nadooh nachwa da e yarap ko ya kini kiwa chong chnong hadien wa ka Unit yong ka seiñ kawa em ha Amlanai da pyntip ko cha ka Circle yei leh chilliang yong uni u waheh chnong ya ki bru ki wym em hapoh ka ka seiñ ki warep wa em hapoh ka chnong Amlanai.

U President ka KSU Amlanai Unit, u Wanstep Khongiong da ong u wa hawa u waheh chnong man u kam u President yong kani ka seiñ da pyndooh bhah u ya u khoo rachon wei ka War Jaiñtia Circle da thoh ko cha u Sub Divisional Officer (Civil) ka Amlarem Sub Division wa cha u Inspector ka Supply Branch.

Kini ki sahep da chimkhia ki wow pynbait ya kani ka kaam kamjooh yei wym e syrnod u waheh chnong ya kini ki bru ki wym em naka liang yong oo.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang u SDO ka Amlarem Sub Division jooh chimkhia u wow e syrnod kam kiwa chong chnong ka Amlanai deiwa pynchong yurim lyngba ki EPIC yong kiwa paan syrnod.

Kawa pynphylla ya ka KSU WJC toh wa hadien ini leh dang pteiñ u Thomlin Surong wow neh kam u waheh chnong wot hawa uni u bru tyngkheiñ u ya ki kyndon shynchaar chnong ka JHADC kawa khang pyrchah ya uwon uwon u waheh chnong wow leh chiliang ha ki kaam shynchaar chnong.

Neiliang ka KSU WJC da kylli ko wa “Hanpaya ki kyndon krehkaam ki waheh chnong wa da booh ryntih ha ka aiñ ym em krehkaam ki? Wei lada krehkaam ki kammon uni u waheh chnong dang neh u kam u waheh chnong hadooh katni? Iyi i daw wa ka JHADC ym ye ko u pyndam noh ya uwon uwon u waheh chnong uwa lai lait ya ka kyndon aiñ du neidaw waka sanat wa da e ympu kut por ko?

Khaddooh ka KSU War Jaiñtia Circle dawa ko na ki bor ka aiñ wow kem noh ya uni u waheh chnong uwa leh embor wow pynmih ki aiñ wa boonjait hapoh ka chnong.

Kani toh katkam wa pyntip u Laitphar Syngkrem President wa u Aurora B. Pamksang Secretary ka KSU War Jaintia Circle.