Ka KSU East Jaiñtia Hills District da dawa ko na u DC wow booh noh ka thaw pynchna namo ka Workshop neibynta ki Transformer wa sih hapoh ka District yow pynsuk ya kiwa chong chong kiwa da maad yei eh wa joor hawa dooh bordiñ manda ymye u pynchna ya ki Transformer.
Da ong wa kut wa sih ki Transformer da chimpor 5-6 bnai wow pynchna ki neidaw wym biang ki tiar ki taar wei ki paidbah won da hap maad ki yei eh wow chong khlem bordiñ, kamtæ deiwa em ka thaw pynchna daw yarap ko wow pyndooh ya waroh ini i eh.
Ha iwi won i liang da dawa leh wow booh ya ka Traffic Cell neibhah wym em kiwa pait yei sahkut kari khamtam ha Lad Rymbai wa ha Khliehriat khamtam heipor wa lai skur lai kreh.
Da dawa leh wow booh ya ka chnat ka ITI hapoh ka East Jaiñtia Hills District lane da ka Vocational Training Centre neibhah ini daw yarap ko ya kiwa sah cha ki thaaiñ palatsor wow yoh sikai ki yow ye ki wow seiñ khih kamjooh yow pynduna yei dooh kreh ki khynroo khyllod ka thaaiñ.
