Ka Khasi Student Union Priang Unit da lai yachem ko ya u Asst. Executive Engineer ka MeECL Distribution Division Shangpung neibynta wow dawa kær yaki Transformer haka chnong Priang, West Jaiñtia Hills.
Haka dorkhat wa da phah daka seiñ, da ong wa i wym kær yaki Transformer ha katai ka chnong da booh ko hei maa yaki bru khamtam yaki khynnah wa kamjooh yaki mrad wa ri.
“Ki Transformer hapoh ka chnong toh kiwa khlem kær lut lane da booh ya kiwon kiwon ki laad yada yow lait na i maa i mynsoo,” da ong u President ka KSU Priang Unit, “I dawa i na ka chnat MeECl wow kær ha waroh soodong ki Transformer khnang wa ym booh hei maa ya kiwa chong chnong,” da ong chooh chooh u.
Ha i yaklam waka seiñ, neiliang utai u sahep da kular u wow chimkhia ya i dawa ka seiñ.
