Mawryngkhneng : Ka KSU Mawryngkhneng Circle wa ka KSU Girls’ Wing da mih ki chakhmat wow pynrem joor wei da dawa wow pynchitom khlem e jamin ya kiwa em kti wow slaitbor ya ka khynnah wa dang 17 snem ha ka miet yong ka 1 tarik.
Neiliang ka Grace Lanong, President KSU Girls’ Wing da ong ko wa ka seiñ da dap ko dei mynsien sñiawkhia yei mih ki kaam chah leh beiñ ki khynnah kynthai wei da pynman ko ya ka imlang sahlang wa sahir mynsien khamtam ya ki khynnah kynthai heipor wa lai ki cha wah cha neiñ.
Kamtæ neilaing ka seiñ da kyntu ko ya ki pulit yow pynkhlan ki ya i lai yuiñ-sonteri (patrolling) kamjooh ya ka yung bichaar wow pynchitom wei wym hoi u elaad ya kiwa emkti u yoh jamin ki.
U President ka KSU Mawryngkhneng u Reallystar Nongspung da kyntu u leh ya ki pulit wow kem smat ki ya kiwa emkti u Sanlang Kharlukhi, Rimon Surong, Rekwestar Mukhim, Shan Dkhar, Sanbhalang Mawthoh wa u Banlumlang Rynjah yow yoh biang kiwa chong chnong u im khlem i tieñ wei da kyntu ki ya bei ki pa wow syndong ki ya ki khon kynthai yong ki hei lai i wan hadooh i riam i bait yong ki.
Also Read : Chah slaitbor ka khynnah ha ki 6 ngut, pyrchang u Sordar wow pynyasuk
Discussion about this post