Ka KSU East Jaiñtia Hills District da thoh ko cha u DC ka District wow kyrriah noh ya ka BSF Camp wa em ha Sonapur deiwa pyrkhat yei chngaaiñ kiwa chong chnong ka thaaiñ kamjooh deiwa ong wa kani ka thaw yang ki BSF man ko pyrchah ya ka aiñ.
Ka seiñ da ong ko wa na ki por cha ki por da chah leh thombor kiwa chong chnong wa lai luti na kani ka thaw heiwa ha ka 02-03-23 ki BSF da dat ki ya uwi u khynnah wa dang lai skur uwa na ka chnong Huroi wei ini da pyntieñ ko ya ki bru wa lai luti na kani ka thaw.
Chooh chooh da ong wa kiwa psiah tooh na Bangladesh chapoh ka District boon bha ki wei da em leh kiwa yoh wow riñ Video ya kini kiwa da psiah lyngba ka khloo Kuliang wei da ye u khanglaad yeini da ka seiñ wa ka dorbar chnong neidaw wa ka Umtyra Check Gate toh ka wym ye de wow leh yeini kamjooh leh ki pulit toh kiwa tlot wow pait ya ini i psiah tooh ki baar ri.
Kamtæ da kyntu wow booh ya ka Infiltration Gate ha chnong Tongseng lane ha Sonapur kiwa man ki thaw wa biang dooh wow pait yeini neibhah lada ym leh yeini daw pynchlur ko ya ki bru wa psiah tooh.
