Ki dkhot ka Khasi Students Union-Jowai Unit, ynne ka sngi da lai yachem ki ya u Executive Engineer ka PWD (Road) Jowai yow pynsñiaw ya ki phang dawa wow niaam rong yow che biang ki Zebra Crossing ha waroh ka thaaiñ Jowai.
Ka seiñ da ong ko wa ini daw pynsuk ko hawa kaap na chiliang cha chiliang u sarok khamtam ki khynnah wa lai skur man-ka-sngi, ka seiñ da dawa ko leh wa ha Mihmyntdu ha u sarok ha i bynta i laad ka madan Lumpyrtuh Mihmyntdu da toh wow booh da u Speed Breaker khnang wow suk ki bru kiwa lai kreh ha ki kaam waphær waphær kamjooh ki khynnah skur kiwa hap wow kaap chiliang ya uni u sarok yow lait nei mynsoo namo i chah tyrrah kari.
Ka seiñ da sñiawkmen ko wa neiliang u Executive Engineer da kular u wow chimkhia ya ini i kaam deiwa ong wow pyndep ya ini i kaam hapoh chi bnai.
