Dawa ka KSU wow phah sangeh yei kreh ya ka luti rel

Shillong: Chi sngi hadien i chah hiar thma ka thaw chna ya ka Station rel ha ka chnong Ronghona, Ribhoi District neiliang ka Khasi Students’ Union seiñbei ynne i janmiet won da yachem jhan ki wa kiwa pathai khubor ha yungkrehkaam yong ka ha Jaiaw, Shillong.

U president ka KSU, u Lambokstarwell Marngar hei klam da ong u wa ka seiñ nadooh wa sdang hi da klam che ko yei pyrchah wow wanrah ya ka luti rel ha kani ka jylla wei ini i pyrchah u pteiñ i hadooh wa wanrah ka sorkar ya ki aiñ wa khlan wow khang yei wan psiah ki baar jylla hapoh kani ka jylla.

“I pyrchah ya ka luti rel toh hadien wa yoo yei wan psiah ki baar jylla cha kani ka jylla, wei lada ka sorkar won wanrah ko da ki aiñ wa khlan won yada yei wan psiah ki baar jylla, ka seiñ daw pyrkhat won ko hei yatoh wa ini”, da ong u president ka seiñ.

Chooh chooh da ong u wa ka seiñ da phah ko ya ka khubor cha ka sorkar wow phah sangeh ya i kreh ya kani ka luti re wei wow pynkreh ya ki aiñ wa khlan.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Neiliang u General Secretary ka seiñ u Donald Thabah da khana u wa nadooh u snem 2011, ka seiñ da dep yaklam ko wa ka sorkar wow dam u chah wow chna ya kani ka project tangwa iwa phylla toh wa ka Northeast Frontier Railway ym em u yoh ko ya ka NOC na ka KHADC wat u Deputy Commissioner ka Ri-bhoi hei yachem wa ka seiñ da kam u wa ka KHADC da e ko ya ka NOC.

“Ka seiñ dawa ko wa u DC toh u pynyoo paidbah u ya ka NOC na KHADC, wei in i leh ka NFR da tyngkheiñ ko ya ka aiñ”, da ong u Thabah.