Dawa ka KSU wow pyllait noh ya ki dkhot yong ka wa chah kem

Shillong: Ka Khasi Students’ Union da pynsñiaw ko yei langoh yei leh yong u Deputy Commissioner ka Ri-bhoi, u Chinmay Pundlikrao Gotmare wa u SP u Ram Singh neibhah hadien wa jia ha ka sngi Chohthat, neiliang ki dkhot ka seiñ da leh ki katkam wa phah ya ki wow wan yaklam sñiawthooh tangwa neiliang u DC da phah kem won u ya ki dkhot ka seiñ wa kynthup ya u president ka North Khasi Hills, u Ferdynald Kharkamni wa u Assistant Gen. Secy, u Sunstar Nongkhlaw wei heijooh i por leh ki pulit da dat ki ya ki dkhot ka seiñ wa ki paidbah.

Neiliang kiwa yahkhmat ka KSU da ong ki wa ki bor District daw haap kitkhlieh ki hajrong ini wa jia neibhah ym du ki dkhot ka seiñ wa da mynsoo kamjooh leh da mynsoo ki paidbah hei dat bru ki pulit wa ki CRP.

U Gen. Secy ka KSU, u Donald Thabah da ong wa i jia ha katai ka sngi toh wa sdang hi ki pulit kiwa da bom nyngkong ya ki dkhot ka seiñ nadooh Shangbangla iwa pynman ya ki dkhot ka seiñ wow yaleh pyrchah ki.

Kiwa mihkhmat ka KSU leh da dawa ki naka sorkar wow pyllait noh ya ki dkhot ka seiñ kiwa chah kem lada kwah ki ya i chong suk chong saiñ hapoh ka jylla.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da pyntip leh wa ynne ka sngi da kem biang sa le ngut ki dkhot yong ka seiñ na Byrnihat, Ri-bhoi District wa kini toh u Gayan Sylliang wa u Ramesh Lyngdoh wei sa ya uwi ym pu em yoh yei pyrtuid yong oo.

Hei yatoh won wa i kawang Petrol Bomb ha Shillong neiliang kiwa mihkhmat ka KSU da kyntait ki wa emkti ha ini i kaam wei ka ym bahkhlieh ko yeiwa jia.