Ka Khasi Students’ Union South West Border Circle ha ka 5 tarik uni u bnai da lai booh dorkhat ko ha yung krehkaam u Sub-Divisional Officer ka MePDCL Khliehriat Division yei wym pu em yoh pyndait bordiñ ki chnong khappood wa em hapoh East Jaiñtia Hills District, kitæ ka chnong Lejri, Lahalein-Lailong, Huroi wa Hingaria ki wym pu em yoh bordiñ nadooh wa sdang wei ka seiñ da pynsñiaw ko leh yei chem chitom kini ki chnong wa em ha khappood wa ka Bangladesh.
Ka seiñ da ong ko leh wa wot hadien da ki phaw snem i dawa kiwa chong yei hok tangwa hadooh kattæ leh ka sorkar ym ye ko wow pynmankaam yeini i dawa wei lada ym ye wow pynmankaam yeini, ka seiñ daw thooh laad ko da kamwi neibhah hadooh katwon maa ya kiwa chong chnong wow im hei doom.
Kamtæ ka seiñ da dawa ko wow pynyoo paidbah iyi i kreh wa da leh yow taan bordiñ cha kini ki chnong lada em iwon iwon iwa da sdang, i daw wa pynslem, lada em i por wa da booh yow pyndep yei kreh, kiyi ki Scheme wa da pynkrehkaam, ki Tender wa da khut, ki Work Order wa da e, ki Detail Project Report wa kiwi de.
Lada ym yoh yei pynche, neiliang ka seiñ daw thooh ko da kiwi ki laad.
Discussion about this post