Ka KSU Jowai Unit ha ka 24 tarik uni u bnai da lai ujor ko ha u Executive Engineer PWD (Roads) South Division Jowai hajrong i sih u sarok Intermediary Jowai Bypass Road uwa nadooh Riat Mooleiñ hadooh Lad-Nartiang (Bosco Pnar) wa u sarok District Court-Taxi Stand (uwa lai nadien ka yung krehkaam u DC Jowai).
Ka seiñ da ong ko wa kini ki sarok toh kiwa da sih bha wei kiwa da sah khlem chna da slem wei kini ki lada pynchna ya ki daw pynduna ko yei sahkut kari ha chnong Jowai wei lada uni u sarok Bypass warim u bha u kam nachwa, kiwa lai puræ ha Kiang Nangbah Govt. College kiwa na thaaiñ Mukhla, Ummulong wa kiwi de daw ye ki wow pynemkaam ya uni u sarok khlem psiah napoh ka chnong Jowai.
Hajrong ini, neiliang u Executive Engineer PWD (Roads) da kular u wow chimkhia wow pynbha biang ya kini ki sarok tangwa da ong u wa katni toh i por slap wei daw pynchna manda rang.
Neiliang ka seiñ da ong ko wa ym chong klikti ko wei daw booddien ko hadooh wa kut ini i kaam.
