Ka Khasi Student Union-Sahsniang Unit haka 30 tarik u Naikhynde da lai yachem ko ya ki sahep Doctor ka chnat Veterinary West Jaiñtia Hills wow dawa pynku kyrdan ya ka Key Village Center (KVC) kawa em ha ka chnong Sahsniang cha ka Veterinary Dispensary wa pura.
Neiliang ka seiñ da e dorkhat ko cha ka District Veterinary Officer, heiwa da ong ko wa ka thaaiñ Sahsniang wa em boon kiwa chong chnong toh kiwa im na i ri mrad wei i por da dawa i wow pynjanai chooh chooh yei rukom krehkaam kani ka chnat.
Da ong ko leh wa katni ka Key Village Center toh kawa da rim bha ya kawa da sdang nadooh u 1974 wei katni em du uwi u wakreh ha kani ka thaw sumaar.
Kamtæ ka seiñ da sñiaw ko wa emkaam bha wow pynku kyrdan ya ka cha ka Veterinary Dispensary khnang wow ye ko u e chakri ya ki paidbah kiwa ri mrad.
Neiliang ka sahep da kular ko wow chimkhia yeini deiwa thoh cha ki bor wa hajrong ini i dawa ka seiñ.
Chooh chooh ka seiñ da ong ko wa daw booddien ko yeini hadooh wa da man kaam i.
Kani man ko katkam ka wyrta na u Y. Lathong, President ka KSU Sahsniang Unit wa u H. Syngkon General Secy. ka KSU Sahsniang Unit.
