Ka KSU South West Khasi Hills District da e ko yei kyrchaan wa pura yei dawa ki seiñbhalang waphær waphær ka thaaiñ Mawsynram wa kamjooh leh yei dawa yong u MLA ka Mawsynram Constituency wow pynku kyrdan noh yaka Mawsynram Block cha ka Civil Division neibynta i dawa wa i angnood wa da slem yong ki paidbah iwa hadooh katni iwa ym em mankaam da jan 20 snem.
Ka KSU da ong ko wa yaka Mawsynram Block da thung nadooh ka snem 1962 wei katni da jan 59 snem da man ko kam ka Community and Rural Development Block wei da em ko kamwa 164 tylli ki chnong wa kamwa 54,109 ngut kiwa chong chnong katwa kam ka Census 2011.
I jngai na Shillong cha Mawsynram man ko 56 Km wei da poi hadooh 80 Km tam lada kheiñ chadooh ki chnong khappood wa ka Bangladesh.
Deilang wa kiwi kiwi de ki daw da dawa wow e Civil Sub Division na ka sorkar Meghalaya Democratic Alliance yow pynjan yei synchaar khadar cha ki paidbah,.
