Shillong: Ka Khasi Student Union (KSU) da ong ko wym ye ko u pdiang yei chah thombor ki ar ngut ki manbei ha East Jaiñtia Hills, ka Amita Sangma wa ka Agnes Kharshiing ha Sohshrieh heiwa president ka KSU, u Lambokstarwell Marngar da ong u wa hanlada em i wit i thut heiwon iwon i bynta, ym yahaap wow chim da kani ka luti neibhah dang kongsan ka ktien wow yaklam wow pynbait wow poi cha i sñiawthooh yumut.
“Kani ka kaam katni dang em ko hapyrdi i takit ki bor ka aiñ, ymtip i kammon sdang namo kammon lai ka kaam, tangwa kiwa takit toh u sai madan ki yei daw tre wa poi hadooh uni u pood,” da ong u president ka KSU.
Da ong u wa em chiboon kam kini kiwa jia wa sah kamtu hi-eh kam i yap u pulit ha Patharkhmah, katni ini i chah thombor kini ki ar ngut, wei emkaam wow wow takit bha yow tip yei daw wa jia kamni.
Heijooh i por da ong u wa ka seiñ ym kwah de ko wow jia biang kam kini kiyi waroh neini chaphrang hapoh Ynñiawtrep deiwa pynrap leh wa kam ini ymtoh u jia i ya kiwa paan RTI tangwa wot ha u snem 2010 uwi na kiwa yahkhmat ka seiñ na Dawki da chah rahbor u wei hadooh katni ymtip heiwon em u.
“Boonsien ka takit wiar hi-eh ki iwa da pynchlur won ya ki damok wow chim ki ya kam kini ki luti,” da pynrap u.
Da ong u leh wa lada ka takit man ko kawa laitlooid (Independent Inquiry) man ko kawa miat ware, tangwa lada ym man ko kawa laitlooid wei wan da ka CBI pynyoo i yei wa tlot wei i wym khooid ki pulit hapoh ka jylla.
Discussion about this post