Ka KSU – Jaiñtia Hills District ha ka 1 tarik uni u bnai da lai yachem ko ya u District Commandant Home Guard ka West Jaiñtia Hills hapoh i yahkhmat u Justice Paul Lyngdoh uwa man kam u Education Secretary ka seiñ hapoh District ryngkat i emlang u Ohibait Dkhar uwa man kam u President yong ka chnat seiñ hapoh District wa kiwi kiwi.
Neiliang ka seiñ da e ko ya ka dorkhat ha u sahep wow dawa wow su wut-wut ya ka nongsngi ki Home Guard Volunteers COVID-19 kiwa da kreh nadooh ka 27 Wisu (March) 2020 hadooh katni iwa da kynjoh cha ka 186 sngi wei ka seiñ da phylla ko wa hadooh katni da yoh ki ya ka nongsngi neibynta 40 sngi donhi.
Katwa kamtæ neiliang ka seiñ da dawa ko ya ka chnat wow su noh ya ka nongsngi cha ki bru ka chnat ya kiwa da pynkrehkaam neibynta ka khlam COVID-19.
Chooh chooh ka seiñ da ong ko leh wa lada ka sorkar ymye ko wow leh iwon iwon hajrong ini, neiliang yong ka deiwa ymyohsa daw hap leh ko iwon iwon neibynta yong ki.
