Ka Khasi Students’ Union (KSU) West Jaiñtia Hills District Unit haka 14 tarik uni u bani da lai ko wow yachem yaka Director of Health Services (Medical Institution) hapoh ka yung krehkaam yong ka ha Shillong neibynta wow thung noh ya u DMHO wa pura hapoh West Jaiñtia Hills District neibhah katkam wa man kattæ ym em DMHO wei em du u Additional DMHO.
Hajrong ini, neiliang ka seiñ da yoh ko yei ood i naam na ki paidbah yong ka District wa chem chitom neidaw wym em DMHO wa pura ha kani ka yung krehkaam wei da sahkut ki kaam na ini i daw.
Ka seiñ da ong ko wa i wym em u DMHO wa pura ha ka District da pyntkoh ko chiboon yei rukom krehkaam neibhah u Additional DMHO wa pait katni ym em bor wow leh wot ya ki kaam wa khian leh, kamtæ da emkaam noh ya u DMHO wa pura yow lait u tkoh i krehkaam.
Ka seiñ da pynbor ko wow thung noh smat ya u DMHO wa pura khnang wow pynsuk ya ki paidbah yong ka thaaiñ kiwa emkaam yarap na kani ka yung krehkaam wei neilang ka sahep da kular ko hakhmat yong kiwa yahkhmat ka seiñ wow chimkhia yeini yow pynsmat u leh yeiwa emkaam neibynta wow pynsuk ya ki paidbah wa emkaam yarap.
Discussion about this post