Ka seiñ Khooid Ya Ka Wah Myntdu (KYKWM) ynnin da yachem ko wa u Chief Engineer ka Public Healt Engineering ka sorkar Meghalaya yow yaklam yei emkaam wow yada ya ka wah Myntdu kawa pyndap um ya ka chnong Jowai kamjooh ya ki doh um wa em ha ka neibynta ka juk wa daw wan.
Ka seiñ da khana ko ya ki kaam wa da leh ko wow pynkhyrngiat ya kiwa chong chnong wow pynman ya ka wah Myntdu kawa khooid wei da pynman ko leh boon ki yakhih pyrchah yei noh khyndaw noh jakhlia cha ka kani ka wah nadooh kiwa mih na ki yung ki sem ki bru kamjooh iwa mih nei chna yung chna sem ha chnong Jowai khamtam.
Da pyntip leh cha u Chief Engineer wa ha ki phaw snem wa da lai da em chiboon i lang jakhlia ha ki bynta ka wah khamtam iwa jrong kamwa 1 Km wa em hapyrdi ka thaw taan um namo wa Reservoir Dam yong ka Jowai Water Supply Scheme iwa katni da stang bha ka um neidaw wym em de yillu ini i thaw iwa da sdang pynemkaam nadooh u snem 1980 iwa da pynman ya ka um wa ye u pynlang ha kani ka Dam kawa da duna bha.
Hajrong ini da kyntu ya u Chief Engineer wow leh yeiwa emkaam wow khloh noh ya i khyndaw, i jakhlai wa da lang ha kani ka thaw iwa man iwa emkaam bha yow ye ka um wow yillu biang kam nachwa yow boon ka um kawa ye u taan wei heijooh i por yow yoh ka chnong Jowai wa kiwi ki chnong wa em chajan yaka um kawa khooid.
Neiliang u Chief Engineer da ong u wa daw yaklam wa u Executive Engineer ka PHE Electrical Division, Jowai yow leh u yeiwa emkaam.
Discussion about this post