Dawa ka LJP-Meghalaya wow pynneh ya ka chnat krehkaam ka NCST ha Shillong

Shillong: Ka seiñ saiñ hima kawa tip kam ka Lok Janshakti Party, Meghalaya State lyngba u President yong ka, u Jamil Ahmed ha kani ka 22 tarik uni u bnai da phah dorkhat ko cha u montri rangbah dooh ka ri, u Narendra Modi hajrong i yoo ka seiñ yei emkaam wow neh ka chnat ka National Commission for Schedule Tribe (NCST), ha Shillong. Ka NCST toh ka Commission kawa kreh neibynta i hok yong ki paaid jaitbru ri-loom hapoh ka ri.

Ha ka dorkhat ka seiñ da pyrchah joor ko yei thmu wow kyrriah ya ka yung krehkaam ka NCST na Shillong neibhah wa em ko ha i thaw wa pyrdi wow kreh neibynta ki khian paaid ka thaaiñ mihsngi kamjooh ya ka jylla Sikkim wei i thmu wow kyrriah ya ka daw ktah ko yei hok kini ki jaitbru ka thaaiñ.

Ka seiñ da pynrap ko leh deiwa ong wa ka Commission ym em ko ya ka yung krehkaam wa pura ha Shillong wei kiwa kreh leh dang duna bha ki ha ka neibhah wa em du ar ngut kiwa kreh wa pura (permanent) wa kynthup ya u Office Peon wa u Office Chowkidar katwa hei sakhiat toh u em ym duna ya 10 ngut wa kynthup nadooh u Assistant Director kawa da man thylli nadooh u 2016, u Office Superintendent nadooh u 2017, wa kiwi kiwi.

Chooh chooh ka seiñ da pynrap ko wa u Officer-in-charge yong kani ka chnat da ksoh u ar kyrdan (dual charge) wei katni kreh u leh hapoh kani hi ka chnat ha Jharkhand wei ini ktah i ya oo wow pyntoh pyntne u yei emkaam ki jaitbru khian paaid.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Heijooh i por ha ka dorkhat ka LJP da ong ko wa kawi ka Khasi kawa da chong-ngiah kam Office Superintendent ha u 2017 wei hadien wa thung ya ka kam ka Consultant da chah pyndam noh ko khlem biang ki yurim iwa da ktah yei sñiaw ki paidbah ka jylla.

Ka seiñ da dawa ko wow pynneh ya kani ka yung krehkaam ha Shillong wei wow pynman ya ka kam ka Headquarter ka thaaiñ mihsngi wa kynthup ya ka jylla Sikkim wei wow pynku noh ka cha ka kyrdan Directorate ka wow em nadooh ki Assistant/Deputy/Additional Directors katkam wa yoobiang ka sorkar.

Heijooh i por da ong ko wa hapoh ka Commission emkaam wow em uwi u dkhot (Member) wa mihkhmat ya ka thaaiñ neibhah i wym em dkhot na ka thaaiñ man i kam wow kyntait yei hok yong ki bru kiwa ka Commission kam ko wow kreh neibhah deiwa em dkhot na ka thaaiñ daw yarap ko wow yada yei hok ki khian paaid neibhah ki hi sñiawthooh ki yei rukom im wa i rukom man ki bru ka thaaiñ wei daw ye ki leh wow pait yei pynkrehkaam hok ya ki scheme ka sorkar.

Kamtæ ka seiñ da dawa ko leh wow thung uwi u dkhot u wow man na kani ka thaaiñ hapoh ka Commission.