Dawa ka Maitshaphrang wow sdang pynkrehkaam noh ya ka Marriage Certificate ya ki kyrtong MLA

Shillong: Ka Maitshaphrang Movement ynne ka sngi da dawa ko na u Chief Electoral Officer (CEO) ka jylla, u FR Kharkongor wa ki kyrtong wa thmu wow yakhun ya ka election MLA 2018 toh u booh lang ki ya ki Marriage Certificate chirrup wa kiwi ki kot ki sla wa emkaam heipor wa thap pyrtuid ki wow yaleh ya ka Election.

Hawa klam wa kiwa pathai khubor u convener ka Maitshaphrang, u Michael Syiem da ong u wa ya ki Marriage Certificate (MC) toh u man ko kam ka kot wa emkaam bha hei yatoh wa kiwon kiwon ki kaam wa ki tnat sorkar.

Da ong u wa ka sorkar toh u pynkrehkaam noh ko ya ka Meghalaya Compulsory Registration of Marriage Act 2012 lym kamtæ ym emkaam wow pynman aiñ ya ka.

Chooh chooh da ong u wa ki tnat sorkar hadooh katni ympu em u pynkrehkaam ki namo wow paan ki ya ki MC nalor kiwi kot emkaam.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ini i dawa ka Maitshaphrang man i sien wa nyngkong ya ki kyrtong wa emkaam wow sooh lang ki wa ki MC heipor wa thap pyrtuid ki.

Hei yatoh wa ini neiliang u CEO da kular u wow yalam wa ki muktiar wa ki stat aiñ hajrong ini.