Ka seiñ wa tip kam ka Meghalaya Confederation for Academic Welfare (MeCAW) kawa emlang hapoh yong ka ki seiñ kiwa dang lai puræ, kiwa sikai wa kiwi kiwa em haka kaam puræ puthi da thoh ki cha u President ka ri, cha u Prime Minister wa cha u Minister of Education u Ramesh Pokhriyal “Nishank” heiyatoh wow tuklar ya ki kaam hapoh ka North-Eastern Hills University (NEHU).
Ka MeCAW da kdaw ko ya ki kaam wa da leh u Prof. S.K. Srivastava iwa da kam toh kiwa man pyrchah ya ki kyndon ka University heiwa ym mynjur u yaka Annula Report, Annual Accounts, Audit Report wa ki Budget Estimate ha ki Annual Court Meeting nadooh u 2016-19 tangwa da li booh u ya kini ki Report khlem da mynjur ka Court haka Parliament heiwa ha ki por yong oo won ym jooh em khut u wow pynman yaka Annual Court Meeting wei da leh u katwa ngait hawa khut Tender wei da e kreh katwa ngait u.
Da ong leh wa u Prof. S.K. Srivastava heipor yong oo ym jooh em u, hadooh wa yaki RTI leh ym em jubab u. Heiwa da leh embor u leh wow pyndam ya ki arngut ki Head of Department wei da yohlaad bha kiwa thombor yaki kynthai hadooh waka National Commission of Women waka National Scheduled Tribes’ Commission da hap ki wow pait ya ini.
Da kdaw leh wa u Prof. S.K. Srivastava da thung u da kiwa dang khian kyrdan khian rta kam ki Dean heithaw kiwa da heh rta kiwa da biang kyrdan heiwa ha uwi u bru da e u wow ksoh ya kiwa boon ki kaam wei da su tam yaki heithaw ki kyndon wa ong uwi u bru iwi i kaam toh u ksoh.
Deiwa man kam u Caretaker VC, u Prof. S.K. Srivastava da pyrchang u wow chim yaka ram wa hadooh T. 136 klur khlem da yaklam chwa.
Kamtæ nalor kiwi kiwi de ki kaam wa da pyrchah ka MeCAW, da dawa wow pynsmat yow pynyoh Vice Chancellor, u pynman yaka takit ya waroh ki kaam wa da leh u Prof. Srivatavas, u thung biang yaki HoD ka English wa Political Science wei wow pyndam noh chisyndon ya u Prof. Srivastavas kamwa da leh ha Delhi University hapoh NEHU leh kamjooh.
Da dawa wow thung VC thymme da u Professor wa napoh ka University uwa da heh da san hapoh yong ka hi uwa sñiawthooh ya ki paidbah kamjooh ya kiwa lai puræ kiwa naka jaitbru ri-loom.
