Khliehriat: Ka MPUF-EJHD (Meghalaya People’s United Front-East Jaiñtia District) kawi na ki seiñbhalang ha East Jaiñtia da phylla wei khyrngiat ko hajrong i mih ki kyntien wa ki seiñbhalang yoh poisa ki na ki heh khayi mooyong ha ki kotkhubor haka 12 tarik uni u bnai katkam wa kam u Emiki Kurbah uwa yah ya ka kari wa chim wai ka Agnes Kharshiing heiwa u Emiki da phla u wa ka Agnes da khana ko wa kiwi ki seiñbhalang chim poisa ki na ki heh spah (Malik) mooyong.
Neiliang ka seiñ (MPUF-EJHD) da kyntait ko yeiwa pynbaad khlem yurim wei kammon ka Agnes ym pyrkhat ko chwa wow klam heiwa wot ka leh man ko ka seiñbhalang wa yahkhmat ya ka CSWO kam ka President.
Ka seiñ da pynche ko leh cha ki paidbah wa ym jooh yoh ki ya kam katæ ka poisa wei ym jooh chim poisa ki kamwa da kam da ka Agnes wei ymtip leh wa em i chalan wa i tih mooyong tooh hapoh East Jaiñtia Hills.
Chooh chooh ka seiñ da sñiawkhia ko ya iwa jia ya ka Agnes wa kawa bood ya ka tangwa da dawa leh na ka Agnes wa na u Emiki Kurbah wow pynsakhiat ki yeini iwa kam ki neibhah ini i pynbaad man i iwa pynsih pyrtuid hi-eh ya ki seiñbhalang.
Ini toh katkam ka khubor na u President ka seiñ u Michal Chyrmang.
Discussion about this post