Ka Meghalaya People United Front (MPUF), East Jaiñtia hills District, ynnin ka 11 tarik da lai yachem ki ya u Executive Engineer ka chnat MeECL ha Moowakhu East Jaiñtia Hills District, u R. Kharkongngor heiyatoh wa ki chrot bordiñ ha chnong Borkhat.
Neiliang ka seiñ da pyntip ko wa da chem ko wa kiwa boon ki chrot bordiñ haka chnong Borkhat wa ka chnong Jalyiah toh kiwa da baam lut ka sarang wei ini da booh ko hei maa wa khroo ya ki paidbah wa chong chnong.
Neiliang u EE da kular u wow chimkhia ya ini i kaam.
Ka seiñ da kyntu ko wow leh smat ya ini neibhah kattu da jan poi i por slap yow lait u jia na i won iwon iwa sñiawsih.
Ha iwi won i liang, ka MPUF-Shangpung Unit da lai booh ko da ka ujor ha u SDO yong ka MeECl wa em ha Shangpung, West Jaiñtia Hill neibynta ka Emergency Load Shedding.
Tangwa neidaw wym em u SDO, da yachem wa u Junior Engineer (JE) yeiwa pyndooh bordiñ namo ka Load Shedding heiwa da pyntip cha ka seiñ wa ka hukum toh kawa wan bait na Mustem Sub-Station kawa pait yei pynpoi bordiñ wei i daw toh wa pynslem ka MeECL wow pynbiang ya u Transformer ha Khliehriat kamtæ da khia ware ka Load i bordiñ wei na ini i daw heipor janmiet da hap wow pyndooh bordiñ.
Kamtæ ka seiñ da kyntu ko yaka MeECL wow booh dei por wei wow pyntip cha ki paidbah ya i por pyndooh bordiñ kamjooh wow pynpoi noh ya u Transformer ha Khliehriat.
