Ka seiñ Meghalaya People’s United Front-Jowai Town Unit (MPUF-JTU) hapoh i yahkhmat u Freedy Nelson Dhar, wa kiwi ki dkhot ynne ka sngi da lai yachem ki ya u Superintendent of Police ka West Jaiñtia Hills, u Bikram D Marak ha yung krehkaam yong oo.
Ha ini i yachem da dawa wow booh ya ki pulit sonteri wei wow pait yei pynlai kari ha Soomer (Jowai Bypass) ha ki bynta wow psiah cha Jowai wa ka laad wow lai cha Shillong neibhah neipor cheipor jooh mih i jia wa sñiawsih ha ini i bynta u sarok.
Hajrong ini neiliang u SP da kular u wow chimkhia wei ka seiñ da kyntu ko leh wow booh pulit pynlai kari namo ki Traffic Police wow em ki ha ini i thaw hadooh 8:00 waje i miet.
