Ynne ka sngi ka seiñ Meghalaya People United Front Laskein Block Circle ryngkat ka Shangpung Unit da hiar lai pait ki ya i bynta wa oor khyndaw ha Shangpung Moolichah iwa harood u sarok Garampani.
U Eibormi S Passah uwa man u Publicity Secretary ka seiñ da ong u wa ini da jia i nadooh u snem wa dadep heipor lyuir wei sñiawsih wa hadooh katni leh ym em wa chimkhia yeini.
Da ong leh wa ini da booh i hei maa ya u sarok wa ki paidbah wa lai wa wan khamtam katni wa da jan wan ka samoi u slap.
Neiliang ka seiñ da dawa ko ya ka sorkar wow chna noh ya uni u sarok wei da rai ko leh wa daw thoh ko cha u Executive Engineer ka PWD North Division wow leh yeiwa emkaam.
U Damewan Chullet da ong u wa ka sorkar da epor ko chi tayaw ya ka chnat wow leh yeiwa emkaam lym kamtæ daw leh ko ya ki luti wa emkaam.
