Jowai: Ka seiñ Meghalaya Peoples’ United Front (MPUF) hadien wa yoo ko wa hadooh kini ki sngi leh ka yung mane ki Muslim namo ka Mosque kawa em ha Chahtngit, harood ka wah Myntdu hapoh u pood u ang ka Tympang Club, Iawmusiang dang krehkaam ko hadooh kini ki sngi nalor wa da em ki kyndon ka NGT ka seiñ da khut yalang ko ya ki Waheh Chnong ha ka 17 Naiynru.
Ha kani ka yalang chirup wa u Waheh Chnong ka Tympang Club wa ki Synjuk ki Rangbah Chnong da yaklam wa lada ka em namo ym em wa pyntip cha ki chaphang ini i chna, neiliang yong ki da pyntip ki cha ka seiñ wa ym em u e NOC ki cha ki wow chna ya kani ka Mosque.
Da ong wa wot hadooh ka District Council kawa pait ya ka Six Scheduled da toh u chna noh ko da ki aiñ wow yada ya ki khian paid khamtam na kam kini ki chna wei heijooh ipor kani ka Mosque em ko hajan ka wah Myntdu heiwa ka hukum ka NGT krehkaam ko.
Ka seiñ da ong ko wa ki bru wa chna ya kani ka thaw da lai lait ki ya dustur riti ki Khasi Jaiñtia neibhah wa da chna ya kani ka thaw khlem yohbor ya ka dustur riti yong ki tre jylla.
Kamtæ hajrong kani ka yurim ka seiñ da dawa bait ko wa ka District Council wa ki bor ka District u leh hiki yeiwa emkaam wow sliah noh ya kani ka Mosque.
Discussion about this post