Jowai: Ka Meghalaya SSA School Association (MSSASA) ka seiñ wa neibynta kiwa sikai SSA (Trained/Untrained) kiwa em 5139 ngut ha ki Lower wa Upper Primary School wa kyrchaan da ka SSA hapoh ka jylla da thoh ko cha u State Project Director, SSA-SEMAM & Director DSE&L, Govt. of Meghalaya wow pynlait noh ya ka Arrears yong ki kiwa da sah nadooh u snem 2016.
Ka MSSASA da pynkynmoo ko ha ka chitihi wa kani ka Arrears toh kawa sah nadooh u snem mang poisa 2016-17 nadooh ka 01-07-16 hadooh 28-02-17 kawa kattu da sah la le snem kawa ym pu pynlait ka sorkar.
Ka seiñ da ong ko leh wa da dep yachem ko wa u montri rangbah ka jylla u Conrad Sangma wa u montri ka chnat puræ puthi hei yatoh wa ini i jooh i kaam wei da kular ki wow pynlait ya ka Arrears khajiak chisien namo da ka Installment katkam wa em poisa ka sorkar.
Kamtæ da kyntu ki ya u Projector Director wa neidaw kani ka kaam man ko kawa da sah da slem wow kyrpaad u ya ka sorkar wow pynlait noh ya ka Arrears chwa ka Christmas khamtam kattu da kut u snem puræ namo u Academic Year.
Discussion about this post