Shillong: Ka Meghalaya SSA School Association (MSSASA) Central Body da paan ko na u montri rangbah ka jylla wow thung noh ya kiwa sikai SSA hapoh ka Contract Basis wa em 12,481 ngut kam kiwa kreh sorkar wa pura yow yoh tulop leh ryngkat wa kiwa sikai ka sorkar.
U President ka seiñ da ong u wa ka sorkar India da booh ko ki kyndon wa che hapoh ka SSA heiwa hapoh ki jylla da yarap poisa yow pynmih ya ki kaam (Post) kiwa sikai ki wow kreh ha ka jooh ka kyrdan wa kiwi kiwa sikai sorkar hapoh ka jylla. Tangwa hapoh ka jylla da chem wa da leh bakla ko nadooh wa sdang heiwa ya i kreh da pynmih hapoh ka Sarva Shiksha Abhiyan State Education Mission Authority Meghalaya (SSA-SEMAM) wow thung kreh da ka Contractual Basis heiwa da thung 5766 ngut ki Primary Teachers wa 6715 ngut ki Upper Primary hapoh ki skur SSA.
Da ong u leh wa haka Para 21, Sub Para (21.1) ka SSA Manual on Financial Management and Procurement, da klam che ko wa ya kiwa sikai SSA toh u thung da ka Education Department iwa mut wa kiwa sikai SSA leh em ki ha ka jooh ka kyrdan wa kiwi kiwa sikai wa thung ka Education Department.
Chooh chooh da ong u leh wa ki kyndon thymme ka SSA wa pynmih da ka Human Resource Development (HRD) Minister da ong wa ymtoh u yabhah ya kiwa sikai SSA wa kiwi kiwa sikai ka sorkar wei toh u man ki ki jooh.
Kamtæ ha ka yachem wa u montri rangbah da kular u wow chimkhia ya kani ka kaam uwa da kular wow yaklam ya kani ka kaam wa u montri ka tnat puræ puthi.
Discussion about this post