Shillong: Kiwa sikai SSA hapoh ka lama ka Meghalaya Sarva Shiksha Abhiyan School Association (MSSASA) ha ka 24 tarik da li booh dorkhat ki ha u Ambrose Ch. Marak, Director of School Education and Literacy State Project Director SSA-SEMAM, Meghalaya Shillong yow paan yei hok yong ka chuti kiwa manbei kiwa dang dep kha khon kawa tip kam ka Maternity Leave.
Ha kani ka dorkhat da ong wa nadooh wa sdang ya ka SSA hapoh ka jylla Meghalaya kiwa sikai SSA ym em yoh ki ya ka Maternity Leave kamwa yoh kiwi kiwa sikai. Katkam ka aiñ ka ym em pynyaphær ko hapyrdi kiwa kreh pura na kiwa kreh chipor neibhah ki leh man ki ki kynthai hi wei i pyndooh yei hok yong ki man i iwa paitchilliang wa pyrchah ya ka riti synchaar ka ri ka Article 14.
Katkam ki kyndon ka SSA da ong wa chiteiñ na kiwa sikai SSA toh u man ki ki kynthai tangwa lait na ki 15 sngi ki sngi chuti chi snem ym em won yoh ki yei hok yong ki katkam ka aiñ Maternity Benefit Act 1961 kawa ong wa ka kynthai kawa dang dep kha khon toh ym chah u wan kreh ko 6 tayaw.
Kamtæ ka seiñ da kyrpaad ko wow pynkrehkaam salonsar ya ka aiñ yow lait ki kynthai wa sikai u chitom yow lait hi ko leh u ktah yeiwa sikai cha ki khynnah.
Discussion about this post