Shillong: Ka North East Indigenous Peoples Forum (NEIPF) ynne ka sngi da dawa ko na u Lamphang ka yung dorbar Meghalaya Legislative Assembly, u Metbah Lyngdoh wow khut da ka dorbar kyrpang khnang wa ka jylla u chim ko ya kawi ka rai wow dawa pynkrehkaam ya ka Inner Line Permit ha Meghalaya.
U Chairman ka NEIPF, u Wellbirth Rani hawa klam wa ki laad pathai khubor da ong uwa da pynbor ya u Lamphang wow khut jhan yaka dorbar kyrpang neibhah du nei rai na ka dorbar kawa biang dooh wow phah ka khubor cha Delhi yei emkaam ka ILP ha ka jylla, wei kamjooh wa ki paidbah u yoo ki yei kaam yong ka sorkar.
Chooh chooh da pyntip u wa ka NEIPF da dawa ko leh na u Lamphang uwa man leh u President ka United Democratic Party (UDP) wow yaklam yaka sorkar wow kyntu ya u Lat, u Tathagata Roy wow tipmit noh yaka Ordianace yong ka Meghalaya Residents Safety and Security Act, deiwa pynrap wa toh u yaklam leh chadooh Delhi wow pynkrehkaam ya ka Ordinance katwa ym pu mankaam ka ILP.
Katkam wa ong u Rani, lada ya ka Manipur ye wow e ILP jhan, iyi i daw wym ye ha ka jylla Meghalaya.
Discussion about this post