Jowai: Ka North East Students’ Organisation (NESO), da beiñ ko yei leh ki pulit ka Assam ha ka 14 tarik uni u bnai ha Umwali, West Khasi Hills, heiwa da chah pynmynsoo 28 ngut ki manbei wa ki kynthai da ki pulit kiwa rah tiar rah tar.
Ka NESO da dawa ko wow pyn chitom ya kini ki pulit kamjooh ki bru samen kiwa emkti wow pynmynsoo ya kini ki 28 ngut.
Da ong leh wa i pynbait ya u pood u ang man ko ka phang kawa da kreh ka NESO da slem deiwa pynrap wa u dawa biang ko ya ka sorkar Meghalaya wa Assam u pynbait smat noh ki ya ini i kaam khnang wow suk ki paidbah.
Ka NESO man ko ka satri ki seiñbhalang ka thaaiñ mihsngi wa kynthup ya ka Khasi Students’ Union (KSU), All Assam Students’ Union (AASU), Naga Students’ Federation (NSF), Mizo Zirlai Pawl (MZP), Twipra Students’ Federation (TSF), All Manipur Students’ Union (AMSU), Garo Students’ Union (GSU) wa ka All Arunachal Pradesh Students’ Union (AAPSU), iwa mut wa man ko ka satri ki seiñ ki khynnah puræ na waroh 7 tylli ki jylla.
Discussion about this post