Jowai: Ka Ri-Jaiñtia Youth Federation (RJYF) Seiñbei ha kini ki sngi wa da dep da yoh ko ki ujor naki kattu katni tylli ki chnong hapoh East Jaiñtia Hills District hei yatoh wa i duna khoo rachon ha ki churia khoo wa saam cha ki paidbah lyngba ki dukan (Fair Price Shop) ha ki chnong waphær waphær.
Da chem wa ha waroh ki churia hei thaw u em 50 Kg da duna bait 5 hadooh 6 Kg u khoo. Ka seiñ da chem ko ya ini deiwa pynyoo ki paidbah yei duna u khoo wa yoh ki na ki Fair Price Shop.
Hadien ini ka seiñ da lai ko cha ki kattu katni ki dukan dai Wholesale yow thaw ya u khoo yow chem katwon em u chi churia wei da chem wa ha kini ki churia leh duna 5 hadooh 6 Kg kawa toh u em 50 Kg.
Ini da pyndooh nong ko chiboon ya kiwa toh u yoh yei hok yong ki khamtam ya kiwa dooh.
Hajrong ini ka seiñ da chim ko ya ka rai wow lai yachem wa u Deputy Commissioner ka East Jaiñtia Hills wow kyrpad ya oo wow pynman ya ka takit yow chem tre ya ini i kaam tooh hei yatoh wa i rukom saam khoo rachon.
Kani toh katkam ka khubor na u E.N. Pale General Secretary ka RJYF-CB
Discussion about this post