Dawa ka Santa Mary hapoh dorbar wow chimkhia ka sorkar yei chah tynyap kiwa sah khappood ha ki nong Bangladesh

Ka MLA ka Sutnga-Siapung, ka Santa Mary Shylla ynne da yieñ ko hapoh ka yung dorbar chna aiñ yow yaklam yeiwa chah tynyap ki bru ha khapppod ka East Jaiñtia Hills khamtam ha ki thaaiñ Umkiang ha ki nong Bangladesh heiwa ha ka 16-01-24 da em kamwa 15-16 ngut ki Bangladesh kiwa psiah chapoh India dei thmu wow tooh kwai heiwa da chah dat ki ar ngut ki nong India heiwa uwi na ki, u Chiang Dhar da chah pynyap u deiwa cha daiñ wait hadooh wa tkut kawi ka kti u.

Da ong ko wa ini da wanrah ko yei tieñ wei sier mynsien neibhah ki nong Bangladesh psiah mih ki katwa ngait yow tooh kwai na ki thaw rep ki bru khlem da em leh ki BSF iyi iyi wei ini da booh ko hei maa yaka ri leh waroh kawi.

Nadooh wa jia ini ki bru da tieñ ki wow lai cha thaw rep wei da hap thung ki da ki yong ki hi ki bru yow yada yei thaw rep ki nei step hadooh i miet.

Da ong ko leh wa ya ki BSF toh u phah ki chah khappood heithaw u booh ki ha ki National Highway.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Da kdaw ko leh ya kiwi de iwa da jia heiwa kawi ka kynthai kawa na Donaskur kawa da chah tynyaap ha ki nong Bangladesh wei man-i-por leh da jooh chah maham ki warep, kamtæ da dawa ko na ka sorkar wow chimkhia ya ini i kaam.

Neiliang u Prestone Tynsong, uwa pait leh ya ki kaam pohyung da ong u wa hei takit ya iwa jia ya u Chiang Dhar, da chem wa kini ki nong Bangladesh da tooh ki leh yaka suloi u, ki kuli 12 tylli deilang wa ki Mobile Phone kini ki ar ngut.

Da pyntip u leh wa ki pulit da yachem ki wa ki BSF yow yaklam hajrong ini wa jia wei ki bor District da pynkrehkaam ki da ka Section 144 CrPC yow khang yei lai i wan ki bru, ki kari kiwa kit mar nadooh 6:00 waje i miet hadooh 5:00 waje i step.

Da khana u leh wa da booh 13 tylli ki Police Station ha ki thaw wa em ha khappood ka jylla waka Bangladesh wei ki pulit leh da lai uiñ sonteri dei langær yow pait ya kini ki kaam.   

Da khana u wa ini wa dep ka sorkar da dep thung ko da ki Coordination Committee yow pait ya kam kini ki jait kaam deiwa emlang ki Area Commander ki BSF, ki SDO wa ki waheh chnong.

Da ong u leh wa kini ki kaam pyrchah aiñ da jia ki ha ki thaw wym pu em dep kær ya u pood.