Khliehriat: Neibynta i suk yong ki paidbah yong ka thaaiñ khamtam wow pynduna chooh chooh yei boon bru ha ki thaw pynman yaw neibynta wow kiar ya u khñiang COVID-19, ka seiñ Southern Border Youth Welfare Association (SBYWA), Elaka Rymbai & Lakadong, East Jaiñtia Hills District, lyngba kiwa yahkhmat yong ka wa kynthup ya u S. Shadap, President wa u N.L. Talang, General Secretary ka seiñ da e dorkhat ko cha u F.M. Dopth, Deputy Commissioner, EJHD.
Ka seiñ da dawa ko wow pynman yaw hapoh ka thaaiñ khappood yong ka District la ha kawon kawon ka thaw næ chnong kawa da yoobiang neiliang yong ki bor ka District neibynta i dap i biang yong ki paidbah khamtam ha kam kini ki por wa em ka khlam u COVID-19 khnang wow pynduna ya i poor uni u khñiang.
Ka seiñ da pynrap ko wa deiwa leh kamni ki paidbah ym chem chitom de ki wow lai yaw chadooh Rymbai neibhah daw ktah joor ko ya ka bai lai bai wan yong ki ha kam kini ki por wym yoh de ki wow lai mylla.
Neiliang ka seiñ da tyrwa ko ha ki bor District wa ya ka yaw wow pynman ha thaaiñ Iapmala, EJH.
Da kyrpaad ko leh wow pynpoi ya ki mar baam kyrpang ya kini ki chnong wa kynthup ya ka chnong Hingaria, Huroi, Leilong, Leijri, kiwa em khappood wa ka ri Bangladesh.
Heiyatoh wa kini ki mat dawa neiliang u DC ka District da kular u wow chimkhia yeini i dawa ka seiñ.
Discussion about this post