Ka seiñ, Southern Border Youth Welfare Association (SBYWA), Elaka Rymbai & Lakadong, EJHD toh kawi na ki seiñ kwa pait yei bha i miet ki paidbah ka thaaiñ khappood ka ri wa ka Bangladesh ha Ri-loom Jaiñtia wei dei langær jooh ujor ko heiyatoh wa i man i long u sarok Rymbai-Bataw-Borghat Road (RBB Road).
Ha kani ka kynti ka seiñ da dawa ko na ka chnat PWD (NEC) Khliehriat, kamjooh ya kiwa mihkhmat kam u Kyrkmen Shylla uwa man leh u montri ka sorkar jylla wa u Shitlang Pale, MLA ka Sutnga-Saipung wow yaklam khnang wow ye noh wow chna smat ya uni u sarok uwa man u budloom ka thaaiñ.
Ka seiñ da ong ko wa katkam wa man katni, uni u sarok RBBR da man u uwa sih hadooh kattæ kttæ iwa da wanrah yei eh i khoo wa i ood hapyrdi ki paidbah kiwa pynemkaam ya oo khamtam lada em kiwa kjut wa chitom.
Kani man ko katkam ka wyrta na u N. Biam, Asst. General Secretary, ka SBYWA, EJHD.
