Ka seiñ All Jaiñtia Muster Roll Workers Labour Union Jowai da kyntu ko ya u montri rangbah ka jylla Meghalaya wa ha kam kini ki por wow pyrkhat u e khoo mynkna, u dai, blooh wa chini ya waroh ki wakreh kiwa em pyrtuid hapoh ka Meghalaya Building & Other Construction Workers Welfare Board (MB&OCWB) wa kynthup leh ya kitu kiwa em Ration Card hapoh jylla Meghalaya.
Ka seiñ da ong ko wa ini daw man ko i kyrkhu ya waroh kiwa mylla sngi ha kam kini ki por khlam heiwa iwa emkaam ware toh i baam ym toh ka poisa.
Heijooh i por ka seiñ da yaroh ko ya iwa pynbna ka sorkar wow yarap poisa ya ki wakreh Building and Construction Workers deiwa ong wa kini man ki chitroh na kiwa khih mylla hapoh ka jylla heiwa da em leh kiwi kiwa emkaam yei kyrchaan naka sorkar.
Kam wow pynkynmoo wa ka sorkar da rai ko wow su T.1000 chi tayaw cha kiwa mylla wa em hapoh ka MB&OCWB ha kini ki sngi wa dooh ki u lai kreh.
Ka seiñ da thoh ko leh cha ki DC ka East wa West Jaiñtia Hills yow pyntip wa ym em yoh ki yaka nongsngi yong ki da palat 6 bnai na ki jar jiar ki chnat sorkar wakreh ki iwa da ktah chooh chooh ya ki ha kam kini ki por wa khang ki yaw ki haat lada ym em poisa wow thied yeiwa emkaam ki lada pteiñ i chah khang ki yaw.
Discussion about this post