Ka seiñ kiwa kamai kari ka East Jaiñtia kawa tip kam ka East Jaiñtia Hills Driver Association (EJHDA) da thoh ki cha u Deputy Commissioner ka East Jaiñtia Hills District yow dawa pynchna ya u sarokbah NH06 khamtam ki bynta ka Khliehriat.
Da ong u wa u NH06 khamtam ki bynta ka Khliehriat kawa man kam ka District Headquarter toh uwa da sih cha palatpood la kam wym em de kiwa pait neibhah kat chawa lai wa yooh da booh hei maa yei mynsien ki bru neibhah u sarok toh uwa da dep sa du ki thlu wa heh.
Da ong leh wa kam kiwa chong chnong em ki yei hok wow yoh ya u sarok wa miat, uwa khooid ym toh da uwa dap dei thlu neibhah uwa katni toh uwa da yoo sarom hawa nujor wa kiwi ki District wa em ya ki National Highway.
Kamtæ da yooluti wa u DC daw leh u yeiwa emkaam yow tuklar hajrong ini neibynta i bha i mait ki paidbah.
